E wari ana canyaman
Yng lulugud at timan-timan?
E wari atyu yng capaldanan
Potang luluguran daca naman?
E wari na cayumung tanggapan
Potang yng bage bage pisasabyan?
E wari yta yng cailangan
Para yng pamiyabie mipnu yang sicanan.
E mucu wari dimdam yng cacung simbitlan?
Emu wari dimdam nung macananu dacang caluguran?
Emu wari pequilasan, yng yumu ning casuyuan?
Emu wari tinggap na yti queca ya iyampang?
Sara me yng mata mu
Maquiramdam ca queng pusu mu
Laco mu yng tacut
Queng pusu mu sasalicut
Cabang macapiac,
Queng pusu mu carin mu pantunan
Yng lugud at catutuan
Ning quecatang picasunduan.
Emu isipan yng capagsubucan a quecatang daralan
Dapot yng pengacu ta yang gawan mung sicanan
Ban eca tumacut na yng problema arapan
Uling e sulusyun yng bigla mucung gulutan.
Yng lugud nung tutu meng daralan
Gang nanu ya man yng capagsubucan
Enaca man agyung ibalag at siran
Maniwala camu at pasibayu mucung caulan.
