High School Batch Reunion 2003

IKAW NA, MAHAL NA KITA

Kung sa pagmahahal ay may basehan

At kung iyon ay ang laman ng isipan

Hindi na ako maguguluhan pa

Ikaw na, mahal na nga kita

Kung sa pagmamahal ay may sukatan

At kung iyon ay ang  walang hanggan

Hindi na ako magtatanong pa

Ikaw na, mahal na nga kita.

Kung sa pagmamahal ay may batayan

At kung iyon ay ang nararamdaman

Hindi na ako mag-aalinlangan pa

Ikaw na, mahal na nga kita.

Kung sa pagmamahal ay walang dahilan

At kung iyon ay sadya lamang mananahan

Hindi na ako maghahanap pa

Ikaw na, mahal na nga kita

Kung ang pagmamahal ay walang pinipili

At kung iyon ay ang taong mananatili

Hindi na ako hihiling pa

Ikaw na, mahal na nga kita.

Kung pagmamahal nga ang maging masaya

Sa twing ako'y iyong naaalala

Wala na ngang hihigit pa

Ikaw na, mahal na kita.

Kung pagmamahal na itong sadya

At kung ito ay ang itinadhana

Ako'y iyo na, aking sinta

Ikaw na, mahal na kita.

-josh

April 3, 2011

Commencement exercises... with Sen Migs Zubiri=)