Nalalapit na ang araw na kailangan ng magpaalam sa taong dalawang libo't sampu, isang mahirap, mapagparaya, makabuluhan, at mabiyayang taon. Tulad ng nakagawian, nararapat lamang na bigyang kapasalamatan lahat ng taong naging bahagi ng aking 2010.
para sa lahat ng KAIBIGAN sa walang sawang pagsuporta sa salita man o sa gawa...malaking bagay ang magkaroon ng karamay sa lahat ng panahon at pagkakataon...Nawa'y manatili kayo at wag magbabago. Sa lahat ng inalalayan ako noong panahon na kailangang kailangan ko ng makakasama, makakausap, at makakaintindi...sana'y hindi kayo magsawa na ako'y pakinggan, kausapin, at intindihin...
para sa lahat ng KASAMAHAN SA TRABAHO
sa pagiging kaibigan at katuwang... sa mga natutuhan...sa pagiging gabay..sana'y magkaroon pa tayo ng magandang samahan at pagkakaunawaan. Manaig sana sa atin ang misyon ng maipamahagi ang ating kaalaman an nawa'y patuloy na magtulakan pataas at wala sanang hihila ng pababa
para sa lahat ng mga STUDYANTE ko
sa pinagsamahan, sa mga kakulitan, sa kagustuhang may matutunan,sa respeto at pagkilala, sa pagiging katuwang sa proseso ng pagkatuto...sana'y ipagpatuloy ang kagustuhang matuto at makatulong sa inyong pamilya.Sana'y manatili ang dedikasyon upang makamit lahat ng pangarap sa buhay...at sa lahat ng nahihirapan upang ito ay maisakatuparan, isipin ninyong lahat ng pagsubok ay makakayanan sa tulong ng Diyos na Maylalang.
Para sa mga ROTARACT of Villa de Bacolor,
sa mga masasayang pagsasama, sa pakiki-isa, sa pagbibigay sa akin ng dahilan upang kayo'y ipagmalaki, sa pagtulong sa akin, sa pagiging magkaibigan..sana'y makagawa pa tayo ng makabuluhang proyekto na kayo mismo ang magkukusang magorganisa at magpulong pulong, sana'y magkaroon ng initiatibo sa bawat isa. nawa'y sa ating paglalayag ay maging magaan ang dalahin at walang magiging pabigat..ako nama'y lubos na naniniwala sa inyong kakayahan.
para sa mga Kasamahan sa ROTARY CLUB OF VILLA DE BACOLOR,
sa pagtitiwala at pagpaparamdam sa akin na ako'y may malaking tulong sa organisasyon, ako ma'y hindi pa tulad ninyo na mataas na ang naabot, mananatili kayong inspirasyon hindi lang sa akin at sa mga kasamahan, ngunit pati na rin sa mga taong ating natutulungan. Nawa'y maging matagumpay tayo sa ating mithiin.
para sa mga KAMAG-ARAL AT KAIBIGAN sa USTGS
sa pagiging kaibigan at karamay noong tayo pa ay nagaaral at maging pagkatapos nito...sa patuloy na pagmamahal sa samahan...sa pagpaparamdam sa akin na kaya ko! nawa'y manatili kayong nandyan at hindi kumupas ang pagkakaibigang nabuo ng dahil sa ating pagpupursige na maging dalubhasa
.
para sa aking mga PINSAN AT KAMAG-ANAK
sa magandang samahan natin ngayong taon..sa simpleng pagtulong, sa pagiging kaibigan at sa pang unawa...sa pagmamahal... sana'y hindi ito masira ng kahit anong pagsubok sa ating pamilya at magkaroon pa tayo ng masasayang samahan.
para kay PAPA AT MAMA,
sa lahat ng pagmamahal at pag-aalaga, sa pag-iintindi na hindi madali ang aking pinagdaraanan, sa pagiging nandyan, sana'y magkaroon pa tayo ng maraming taon na magkakasama, taon ng pagmamahalan at pagdadamayan, sana'y inyong maramdaman na lahat ng sakripisyo at pagpapakasakit ko ay para sa inyo..dahil higit kanino man, mahal na mahal ko kayo..at habang buhay na panata na hinding hindi ko kayo pababayaan.
para sa mga taong dumating at umalis
sa pagbibigay kulay sa taong ito..sa pagpapasaya at pagpapaiyak, pagbibigay at pagdadamot, sana'y inyong naramdaman na buong puso ko kayong tinanggap at minahal sa aking buhay at sana'y inyong maramdaman na ang pagpapalaya ko ay hindi nangangahulugang hindi kayo mahalaga..kundi pagbibigay lamang ng daan sa inyong kaligayahn.
para sa lahat ng nakasama, nakadate, nakafacebook, nakawentuhan, nakabunguan, nakatext, nakaemail, nakachat, nakilala.. sa pagbibigay ninyo ng iba't ibang ngiti,saya, lungkot, inis, at kung ano ano pa...sana'y naging masaya kayo habang ako'y kasama at kakwentuhan nyo.At sana'y naging bahagi din ako ng buhay ninyo.
para sa mga kapamilya, kapuso, kasyete ka dos, kasingko, sa itinakda at gabay...
maraming salamat sa isang makabuluhang 2010 na nagdaan...marapat lang nating salubungin ang susunod na taon ng may ngiti, pagpapasalamat, pagmamamahal at pag-asa kasama ang pananalig sa Diyos.
Isang MAPAGPALANG BAGONG TAON.
