Hawak ko'y hindi magkamayaw na pagpipiglas
Ng damdaming pilit winawakas
Panahon ma'y sadyang lumipas
Puso'y umiibig pa rin ng wagas.
Kahit saan man ako'y magpunta
Alam kong ikaw parin ang sinta
Ikubli man ng mga kaganapan
Puso parin ang tunay na may alam.
Marami na rin ang nilakbay
At patuloy pang naglalayag
Marami narin ang nakasabay
At pati narin mga naghayag.
Alin man sa mga iyon
Hindi ko parin maramdaman
Ang pagmamahal na kailanman
Ako'y hindi pakakawalan
Mali man ang ako'y magtagal
At patuloy na balikan
Ng lugar na aking minamahal
Alam kong ako'y hindi pa pinagbibigyan
Sa mga dalanging matagal ng dasal
Pero buong puso ang aking pagtanggap
Na panahon lang ang makakayakap
Sa mga katuparan ng mga pangarap
At pagsagot sa mga hinahangad.
Hindi ko man mabitawan
Ang anino ng nakaraan
Alam kong kusa itong bibitawan
Sa panahong wala ninoman
Ang nakakaalam.
October 25, 11:56 PM
Josh
