Hindi ba nila maintindihan
Ang lungkot na bumabalot
Sa iyong kalooban?
O sadyang hindi lang nila maramdaman
Ang tunay mong pagmamahal?
Hindi ba nila alam
Buong buhay mo'y ikaw ay nagbibigay?
Alam ba nila na nais mo ding bigyan?
Tulad ng pagmamahal
Na iyong inaalay?
Hindi ba nila maisip
Na wala kang tanging hiling?
Kundi ang ibig ay makapiling.
Sa lahat ng panahon
Sa anumang pagkakataon.
Hindi nga nila alam.
Dahil patuloy ka nilang hinuhusgahan?
Mga taong hindi naman nariyan
Sa panahong lubos kang nangangailangan.
Hindi nga nila alam
Dahil patuloy ka nilang iniiwan?
Mga taong iyong minahal
Lubos at walang pag aalinlangan.
Hindi nga nila mainitindihan
Dahil sadyang hindi nila naramdaman
Na ang iyong kailangan
Ay hindi huwad na salita lamang
Kundi ang tunay at makatotohanan.
Oct 4, 2010
