Aking naisip, matagal na pala ako sa byahe.marami ng intersection ang aking nadaanan. Maraming nakakatuwa na hanggang ngayon, kasama ko parin sila sa paglalakbay, sabay na tinatahak ang isang landas. Ngunit, nakakalungkot din na minsan akala mo'y tuloy tuloy mo syang makakasama, ngunit bigla din palang liliko. Minsan, may mga intersection din na sakto lang kayong magkikita ngunit magkaibang landas pala ang inyong tatahakin.
Sa kalsada ng buhay ko, marami akong natutunan, mga sasakyang kapag ako'y nasiraan ay hihinto din at kusa akong tutulungan. May mga sasakyang, tila nakikipagkarera na gusto kang ungusan at makipag-agawan. may mga malalaking sasakyang tila ba naghahahari-harian sa daan at minamaliit ang aking sasakyan. May mga sasakyang masayang makikisabayan sa iyo kahit saan man magpunta. Sa kalsada din, aking natutunan ang mga batas na dapat sundin...batas trapiko, na kailangang sundin.kailan ba dapat huminto, magbigay daan, o kaya'y tumakbo. May mga batas na bawal. May mga tuntunin ng kaligtasan. Sa kalsada din, iba iba ang uri ng daan, may aspaltado, sementado o kaya'y yung sira-sira pa, maputik at kung anu-ano pa. Dito sa kalsadang ito, kailangan ang tibay ng loob upang malampasan ang madulas o kahit ang bakubakong daan man.
Maraming nangyayari sa kalsada. Saan kaman magpunta, ikaw ay may makikilala na mapagtatanungan kung ikaw ay nawawala. Saan ka man patungo, nandyan ang posibilidad na ikaw ay masiraan o maubusan ng gas. Ngunit wag kang mag-alalala. Kailangan lang ng tibay ng loob at determinsayon na makarating sa patutunguhan, lahat ay makakayanan. Gaano man ito kabagal. GAano man ito kabilis. Gaano man ka dulas o kaputik ang daan. Siguraduhin lang na sa intersection na dadaanan mo, alam mo kung saan ka liliko.
