sabi nila, kung ikaw ay mahuhulog, dalawang bagay lang iyan; maaring may sumalo sa iyo o masakit kang babagsak.Ilang beses na ba akong nahulog na walang sumasalo? hindi ko na mabilang. minsan naitatanog ko na din kung bakit hindi ako natututo sa mga pagbagsak na ito.masasakit ang mga ito. tila baga kailangan pang humantong sa intensive care unit upang mapagaling lang ang pagkakahulog.
hindi ko na rin mawari kung pagmamahal nga ba ang dahilan o sadyang katangahan lang... pero ang tanging alam ko tunay ang bwat emosyong inilalaan ko dito. nakakalungkot lang na gaano man iyon katapat at kadakila ay nababalewala parin. MAaring dahil hindi sa tamang tao iyon inilaan. Pero sino nga bang nakakaalam kung hindi iyon susubukan?
sabi ng kaibigan, "hindi karin naman natututo no?" akin ngang napag-isipisip.kailan nga ba ako matututo? hindi ko alam. minsan kahit ang mga guro ay hindi nila matutuhan ang ibang mga liksyon. o kaya'y nandon ang realisasyon ngunit hindi lang ito tuluyang tinatanggap dahil minsan nagpupumiglas ang nararamdaman. ninanais na sumubok o kaya'y lumaban na maaring magbago ang kapalaran.
minsan sa pagkahulog, may sumasalo, ngunit sa huli'y bibitawan ka rin pala. tila ba, pinigilan lang or pinahaba lang ang paghihintay ng iyong pagkahulog. mas masakit iyon, dahil nilakipan na iyon ng pag-asa at pagtitiwala na hindi ka na babagsak muli. minsan iyo na lang mababanggit, "sana huwag na lang."
Alin nga ba ang tunay na masakit sa pagkahulog, ang ikaw ba ay hayaang bumagsak na lang o paasahing sa dulo'y may sasalo sa iyo? para sa akin, pareho lang.kahit saan naman yan dalhin, mahuhulog at mahuhulog ka din, masasaktan at masasaktan ka pinaasa ka man o hindi. dahil wala namang kundisyon ang kasama kapag emosyon na ang nakataya.
sa kabila ng lahat, ayoko namang pagsisihan ang bawat emosyong aking inilalaan, mahulog man at makatamo ng malakas na pagbagsak. Oo nga't masasaktan sa huli,ngunit hindi mo naman maikakaila na sa bawat pagbibigay sa iba ng iyong nararamdaman ay pagbibigay din sa iyong sarili ng pagkakataon na maari mong maramdaman na ikaw din ay kayang bigyan. Sa huli'y pinalaya mo lang ang iyong sarili ng buong tapang at walang pag aalinlangan.
Kung sa susunod, ako'y mahuhulog muli. sana doon na sa lugar kung saan may sasalo sa akin at hindi na ihuhulog muli. At sa wakas ay hindi na masasaktan pa.
