Alang kapante ing kakung lungkut
Nyang ing dalan ta mibaluktut
Kalupa ning ulap a madalumdum
Bayat ning banua,kayang inampun,
Alang kawangis ing sakit
King lugud mung dimut.
Kalupa ning aldong e saslag
King libutad ning bagyu ning bagabag.
Alang kalupa ing kakung pamanangis
King lugud mung miliyis
Kalupa ning kidlat a mataram
Makamate, makapanandaman.
Alang katapat ing kakung lugud
Binye ku keka mu kabud.
Malungkut isipan ing ali mipayintuliran
Ing aku at ika king alang angan.
Bista man ing ikata ali makatulid
Sapat na ing minsan, mikalugud
Dalan king kaba ning kekatang bie
Balung ing lugud tunie yang mabie.
-josh
July 14, 2010
9:09 AM
