ikalabing isa ngayon.ikalabing walo na sana. ikalabing dalawa bukas. ika-apat na.

Isang palatandaan na sadyang abilis ang paglipas ng panahon ngunit ang mga bagay na naiiwan at mga bagay ay hindi sing bilis umusad ng panahon. pero sa realidad, kasama ng paglipas ng panahon ay ang katotohanang hindi na mababago. may mga bagay na sadyang laan at may mga bagay na hindi kayang hadlangan.Kung ano man ang mga naganap, may bagay na dapat matutunan at kailangan lang matanggap. ano-ano man, sa dinami-dami man ng mga bagay na nagpasaya at nagpahirap, isa paring malaking pasasalamat. dahil lahat ng bagay na iyon, ay hindi kailan man mababago. May mga bagay na kahit ayaw man mawala, kailangan lang matanggap.Kahit may mga bagay na nais mang ipagpatuloy, kailangan tuldukan. Sa dulo ng lahat. kahit ilang araw, buwan at taon man ang lumipas, mga alaala lang ang mga bagay na kayang panghawakan. Kung hindi man laan, pasasalamat na lang ang kayang ibigay. At kung matinding sakit man ang naranasan, pagtanggap lang ang tunay na makakapagpahilom.

Ikalabing isa ngayon, ikalabing walo na sana, ngunit matagal na itong tinuldukan. Maraming salamat sa alaala. Ikalabing dalawa bukas, ika-apat na...at nawa'y patuloy ng maghilom ang bawat sugat ng nakaraan. Isa itong dalangin kasama ang paglimot sa mga sakit ng loob at pasakit. Sana'y magkaroon na ng magandang simula at matahimik na bukas para sa dalawang pusong nagkahiwalay ang landas. Ngayon, ika'y tuluyan ng pinapalaya dito sa aking puso.Isang mapagpalang paglalakbay sa iyong hinaharap at sana'y sa pagdating ng panahon, iyo paring maalala na minsa'y dumating ang isang tulad ko na nagmahal ng walang alinlangan at pagiimbot. Sana'y sa paglipas ng panahon, magkaroon ng pagkakaibigan, maaring hindi ngayon, hindi natin alam. Patawad sa mga salitang maaring ika'ynagdamdam din, alam kong iyong naiintindihan. Salamat sa lahat. At Sana'y magkaroon ka ng masayang paglalakbay.