Salamat king Suportang Pamagaral.

King marakal a bage, dakal ku dapat ipasalamat. Karing binye da kaku ding taung susuporta kanaku lalu na king pamagaral ku, tune kung pasalamat. Dakal mu naman bageng milyari na migpakumplikadu king sitwasyun ku bilang talasunud karela. Madakala bage ing pigbawal. Dakal a dahilan kung bakit da patupad deti. Dakal mu namang dahilan kung bakit da sasabyan ini ampo ita. Marakal kareni tune namang tutu pero marakal din ing pilit namung patutwan at kulang na king awsan dang realidad. Ngeni, minsan, aku linabag. Pilit panindigan ing bageng piniling dasnan. Dapot deting taung areti ekula antindyan. Balu ku sasabyan dang antindyan daku, pero king gulut na nita, eku balung talastasan. Dakal a migbayu manibat nyang pinili ku ini. Masakit mang tikdong pasibayu kayari daring egana ganag disisyung gewa, king saup king matas at malakas a tiwala king Apung Ginu, balu ku ya ing bahalang sumaup kaku. Siguru malwat pang kasakitan ing danasan, pero ita siguru ing kabayaran. Manibat kanita, manibat nyang meayus na ini, dakal pasibayung pangaku ing biye da, karing apulung mesabi, metung mu ing milyari. Ing eku mu buri, sana ala namung sasabyan, ala namung pangaku nung ali mu rin magawa. Alang palabra de onor. enaku bisang magsalita karela, uling balu kung atin nala nanamang idahilan. at aku nanaman ing mali. Pero kahit nanu paman ing kulang at ali dapat, sobra sobrang pasasalamat ing ibie ku karing taung migtiwala king agyu ku at sinuporta kanaku.